Ömər ibn Xəttab Hudebiyyədə olduğu zaman, Peyğəmbərin (s) səbr edib heç bir şey etməməsini gördükdə narazalığına səbəb olmuşdu. Hətta, bu narazılığı o yerə çatmışdır ki, Rəsullallahın (s) risalətinə belə şəkk etmişdi. Həmçinin, digər səhabələrdən onun (s) həqiqətən Allahın Rəsulu olub-olmamasını soruşmuşdur. Bu rəvayəti əhli-sunnə alimi Məhəmməd ibn İsmayıl Buxari və Əbu Hatim Məhəmməd ibn Hibban Darəmi bu şəkildə nəql edir:
“Ömər ibn Xəttab dedi: “Mən Peyğəmbərin (s) yanına gəlib dedim: “Sən Allahın haqq peyğəmbəri deyilsənmi?” Peyğəmbər (s) dedi: “Bəli, Allahın haqq peyğəmbəriyəm.” Ömər dedi: “Biz müsəlmanlar haqq, düşmənlərimiz isə batil əqidədə deyillərmi?” Peyğəmbər (s) dedi: “Bəli, elədir”. Ömər dedi: “O halda dinimiz barəsində bu alçaq vəziyyəti nə üçün qəbul edirik?” Peyğəmbər (s) dedi: “Mən həqiqətən, Allahın rəsuluyam və mən Allaha üsyan etmiş deyiləm. Allah mənim yardımçımdır” Ömər dedi: “Vaxtilə sən bizə “Yaxında Kəbəyə çatıb təvaf edəcəyik” deyə xəbər vermədinmi?” Peyğəmbər (s) dedi: “Mən sənə “Bu il çatıb təvaf edəcəyik” dedimmi?” Ömər dedi: “Xeyr”. Peyğəmbər (s) dedi: “Şübhəsiz, sən yaxın zamanda Kəbəyə çatıb onu təvaf edəcəksən”.Ömər ibn Xəttab dedi: “Allaha and olsun ki, bu gündən başqa müsəlman olduğum gündən bəri şəkk etməmişdim”.
(“Səhih-Buxari” kitabı,1-ci cild,15-ci bab,367-ci səhifə,2731- ci hədis..“Səhih ibn Hibban” kitabı,11-ci cild,224-cü səhifə,4872-ci hədis)
Hiç yorum yok:
Yorum Gönder