Xanımı çirkin olanlar nə etməli?

Mərakeşdə cümə namazı zamanı xütbə oxuyan sələfi xətib dəhşətli fətvası ilə gündəmə gəlib. Özünün də narkotik vasitələrdən istifadə etdiyi güman edilən sələfi “alim” deyib ki, əgər xanımlarınız gözəl deyilsə, gecə vaxtı həşiş çəkərək onu gözəl görə bilərsiniz.

Tunisin Cümhuriyyət (Əl-Cumhuriyyə) qəzeti bildirib ki, bu fətva azmış kimi sələfi alim uyğun fətvanın icrası üçün şərtlər də təyin edib. İlk olaraq uyğun addımı atan kişinin yaşı 40-dan az olmalıdır. İkinci, gecə xanımı ilə cinsi əlaqədən yarım saat öncə həşiş istifadə etməlidir ki, “çirkin” xanımlarından bezməsinlər.
Sələfi alim deyib ki, onun bu fətvası Allahın çirkin xanımlarla imtahan etdiyi kişilər üçün ən yaxşı çıxış yoludur. Çünki onlar narkotik vasitədən istifadə etdikdən sonra “çirkin” xanımlarını bir huri kimi görəcəklər.