Əhli-sünnə kitablarında Peyğəmbərin (s.ə.a) əlləri açıq namaz qılması dəlill
Şiə hədislərində Peyğəmbərin (səllAllahu əleyhi və alih) əlləri açıq namaz qılması barədə rəvayətlərdən əlavə, əhli-sünnənin ən mötəbər kitablarında Peyğəmbərin (səllAllahu əleyhi və alih) əlləri açıq namaz qıldığı barədə çoxlu hədislər var. O hədislərin ən mötəbərlərində birini nəql edirık.
روى محمد بن عمر وابن عطاء قال : سمعت أبا حميد الساعدي في عشرة من أصحاب رسول الله صلى الله عليه وسلم منهم أبو قتادة فقال أبو حميد : أنا أعلمكم بصلاة رسول الله صلى الله عليه وسلم قالوا : فأعرض قال : كان رسول الله صلى الله عليه وسلم إذا قام إلى الصلاة يرفع يديه حتى يحاذي بهما منكبيه ثم يكبر حتى يقر كل عظم في موضعه معتدلا ثم يقرأ ثم يكبر فيرفع يديه حتى يحاذي بهما منكبيه ثم يركع ويضع راحتيه على ركبتيه ثم يعتدل فلا يصوب رأسه ولا يقنعه ثم يرفع رأسه ويقول سمع الله لمن حمده ثم يرفع يديه حتى يحاذي منكبيه معتدلا ثم يقول : الله أكبر ثم يهوي إلى الأرض فيجافي يديه عن جنبيه ثم يرفع رأسه ويثني رجله اليسرى فيقعد عليها ويفتح أصابع رجليه إذا سجد ويسجد ثم يقول الله أكبر ويرفع ويثني رجله اليسرى فيقعد عليها حتى يرجع كل عظم إلى موضعه ثم يصنع في الأخرى مثل ذلك ….قالوا : صدقت هكذا كان يصلي صلى الله عليه وسلم.
Məhəmməd ibn Ömər və İbn Əta rəvayət ediblər, Əbu Həmid Saidi həzrət Peyğəmbərin (səllAllahu əleyhi və alih) on nəfər səhabəsindən eşitdi ki, o on nəfərin biri Əbu Qutadə idi. Əbu Həmid orada dedi: Peyğəmbərin (səllAllahu əleyhi və alih) necə namaz qıldığını mən sizin hamınızdan yaxşı bilirəm. Ona dedilər: Elə isə namazı qılaraq göstər. O dedi: Allahın Rəsulu (səllAllahu əleyhi və alih) namaza durduqda əllərini qulaqlarının yaxınlığına qədər qaldırardı və sonra təkbir deyərdi. Ta ki, bədəninin hər üzvü öz yerində qərar tutardı (adi dayanma ilə durardı), sonra Fatihə surəsini və bir başqa surə oxuyardı, sonra təkbir deyərdi, sonra iki əlini qulaqlarının yaxınlığına qədər qaldırardı, sonra rükuya gedərdi və iki əlinin ovucunu dizlərinə qoyardı, sonra aram olardı, başını nə yuxarı qaldırmazdı və nə də çox aşaqğı sallamazdı, səmiəllahu limən həmidəh(Allah onu həmd edəni eşidir) zikrini deyərək əllərini qulaqlarının yaxınlığına qədər qaldırardı, sonra Allahu əkbər deyərək özünü yerə atardı, əlinin iki ovucunu yanına qoyardı, sonra başını yuxarı qaldırar və sol ayağı üstə oturardı, səcdə etdikdə hər iki ayağının barmaqlarını açar və səcdə edərdi, sonra Allahu əkbər deyərək durar və sol ayağı üstə oturardı, bütün vücudu aram olduqdan sonra yenidən səcdəyə gedərdi həmin işi yenidən səcdədə təkrar edərdi ….
Onların hamısı dedilər: Düz dedin, Peyğəmbər (səllAllahu əleyhi və alih) namazı belə qılardı.
Malik ibn Ənəs əl-Muvəttə kitabında, Əbu davud və Tirmizi öz sünənlərində bu hədisi nəql etmişlər. Tirmizi bu hədis barədə deyib: Bu hədis gözəl səhih hədisdir.
Sünəni ibn Macə 1-ci cild 280-c- səhifə
Sünəni Əbu Davud 1-ci cild 170-ci səhifə kitabus səlat bab iftitahus səlat
Sünəni Tirmizi 1-ci cild 188-ci səhifə bab ma caə si vəsfissəlat
Müsnədu əhməd ibn Hənbəl 5-ci cild 424-cü səhifə
Sünəni Darami 1-ci cild 314-cü səhifə kitabus səlat bab sifət səlati RəsulAllah
Sününul Kubra Beyhəqi 2-ci cild 72-ci səhifə
Umdətul Qari 6-cı cild 104-cü səhifə
Səhihi ibn Həban 5-ci cild 196-cı səhifə
Və sair kitablar…
Bu hədisi Buxari ixtisarla nəql etmişdir, bax:
Səhihi Buxari 1-ci cild 201-ci səhifə bab sünnətul cülus fit-təşəhhud
Şövkani deyir:
قال الشوكاني: رواه الخمسة إلا النسائي ، وصححه الترمذي ، ورواه البخاري مختصرا.
“Bu hədisi Nisaidən başqa 6 səhih kitabımızın hamısı nəql etmişlər, Tirmizi bu hədisin səhih olduğunu sübut etmişdir, Buxari də bu hədisi ixtisarla da olsa nəql etmişdir.”
Nəylul əvtar 2-ci cild 198-ci səhifə
İbn Həcər deyir:
قال ابن حجر: رواه أبو داود والترمذي وصحّحه.
“Bu hədisi Əbu Davud və Tirmizi nəql etmişlər, Tirmizi bu həsisin səhih olduğunu bildirib.”
Təlxisul hubəyr 3-cü cild 271-272-ci səhifələr
Göründüyü kimi bu hədisdə məqsəd bundan ibarət olub ki, həzrət Muhəmmədin (səllAllahu əleyhi və alih) qıldığı namaz bütün xırdaçılıqlarına qədər bəyan edilərək göstərilsin. Burada əl bağlamaqdan əsər əlamət yoxdur. Bu hədisdən məlum olur ki, Şiələrin və Malikilərin namaz qılarkən əlləri açıq dayanmaları tamamilə həzrət Peyğəmbərin (səllAllahu əleyhi və alih) sünnəsinə uyğun bir əməldir. Deməli necə deyərlər “top əhli-sünnənin o biri üç məzhəbinin meydanındadır.” Onlar gərək cavab versinlər ki, hansı əsasla həzrət Peyğəmbərin (səllAllahu əleyhi və alih) etmədiyi əməli namaza daxil etmişlər?!
Biz burada əsasən əhli-sünnənin birinci dərəcəli və ən mötəbər kitablarından dəlillər gətirdik, bu barədə şiə kitablarının hamısı namazın əliaçıq qılınmasının vacibliyi hədislərindən ibarətdir.
Heç bir şiə kitabında əli açıq qılınmağa zidd olan bir hədis belə yoxdur.
Hiç yorum yok:
Yorum Gönder